في خطوة مميزة ومحببة منها، قدمت الفنانة المصرية دنيا سمير غانم الشكر لكل فريق عمل مسلسلها "جت سليمة" فرداً فرداً".
فكتبت دنيا:"مشروع كبير تعبنا فيه جداً عشان نقدر نعمل حاجة تسعدكم جت سليمة
شكراً للمنتج محمد أحمد السبكي الشاطر جداااااااا اللي مش بيسيب ولا تفصيلة صغيرة غير لما يكون مطمن انها متنفذة علي أكمل وجه
شكرا علي مجهودك الكبير و اهتمامك
شكراً المنتج الكبير "الأب" أحمد السبكي اللي بيحب الفن حب غير عادي و نفسه دايما انه يقدم أعمال تعجب الناس
شكرا ل كريم و خالد السبكي
ربنا يخليكوا لبعض
شكرا محمد سلام اللي فعلا بستمتع وانا بمثل معاه لإن تمثيله و إفيهاته و إحساسه out of the box
و أعتقد بيبان عليا كل مرة بنشتغل مع بعض
شكرا استاذ خالد الصاوي الجامد أكتر ممثل عنده ضمير في الدنيا و تفاني في العمل غير طبيعي
انا فعلا بتفرج عليك و بتعلم و بسرح في أدائك العبقري اللي فيه الجد ممزوج بالهزار بدرجة مظبوطة جدا
شكرا أ/ سامي مغاوري الفنان القدير السهل الممتنع اللي وجوده بيضيف إضافة غير طبيعية
ربنا يديك الصحة
شكرا استاذة هالة فاخر الراقية، قدمت شخصية بإبهار شديد و بتميز ، كل مشهد ليكي بيحسسني بسعادة ك مشاهدة من قبل حتي ما تتكلمي
شكرا محمد ثروت،، انت عملت الشخصية بطريقة جديدة و بخفة دم فظيعة كالعادة
شكرا للقديرة المتمكنة جدا جدا جدا سلوي خطاب، نورتينا و وصلتي رسالة عظيمة من خلال إتقانك لشخصيتك و استحملتي الميك اب الصعب ده لعدد ساعات طويل جدا في سبيل انك تعملي الشخصية كويس
شكرا للقديرة سلوي محمد علي
أدائك ل أم العريف غير متوقع و مش كليشيه تماما، أول مرة أحس ان الساحرة او ال witch قريبة مننا كده و انسانة عادية لكن عندها قدرات و شر و في نفس الوقت هزار
حقيقي أمتعتينا
شكرا للجميلة رحاب الجمل
كنتي لذيذة جدا بجد و انا سعيدة اوي اني اشتغلت معاكي لإني من معجبينك
شكرا مايان السيد الموهوبه جدا البسكوتة المجتهدة اللي تدخل القلب في سواني، عندك قبول فظيع ما شاء الله و ذكاء في التمثيل بيخليكي مميزة جدا و انا شخصيًا حبيتك أكتر لما اشتغلت معاكي ربنا يوفقك يا حبيبتي
شكرا للحلوين كيمز وصلاح الدالي
انتوا فعلا أثبتوا ان الكوميديان ممكن يثبت نفسه في أي مشهد حتي لو مساحة الدور أقل من قدراته
شكرا الطفل ادم النحاس "عمر"
انت بجد ما شاء الله موهوب اوي و فنان اوي و صوتك حلو اوي اوي اوي ما شاء الله
والطفل ادم نور "رعد" انت شاطر اوي و أقنعتني أوي في الأول و بعد ما اتغيرت كمان برافو عليك
شكرا للفنان الكبير اللي انا بعشقه و ماقدرش اكون في عمل هو مش فيه
بيومي فؤاد انت أضافتلنا الكوميديا بتاعتك اللي ماحدش بيعرف يعملها غيرك.. عملتلنا نعنشة في المسلسل
شكرا للنجوم ضيوف الشرف الكبار اوي اللي بجد نورونا و ماحدش اتردد فيهم لحظة واحدة و كلهم جايين مش فارق معاهم حتي ايه الدور اللي هيعملوه او مساحته أد ايه
هم بس جم عشان يقفوا جنبنا
أحمد فهمي
أشرف عبد الباقي
كريم عفيفي
عم صلاح عبد الله
سلوى عثمان
ايمان السيد
فتوح أحمد
علاء زينهم
أحمد سلطان
شكرا زينب العبد علي لذاذتك و شطارتك
شكرا المؤلف الجامد كريم يوسف وفريق الكتابة سامح جمال وندي عزت وأشرف نصر
انتوا تفوقتوا علي نفسكوا عملتوا حدوتة فيها كل أنواع الدراما
كوميدي ساسبنس خيال فانتازيا كمان اديتوا مساحة للأغاني تكون في مكانها مش مقحمة
شكرا حسام حبيب مدير التصوير الجامد قوي اللي مش مهم عنده أي حاجة غير انه يطلع صورة مختلفة و مميزة و لايقة مع مود الحدوتة وشكرا
لفريق التصوير الجامد
شكرا للعبقري مهندس الديكور سامر الجمال والمهندس احمد صبري والمهندسات الشاطرين همسه ورشا
انتوا أبدعتوا في وقت قياسي و تعبتوا أوي و الحمد لله تعبكوا كان واضح جدا
شكرا حسن مصطفي مصمم الازياء المميز جدا، مش ممكن الاهتمام و الشطارة حتي في التفاصيل و اكسسوارات الشخصيات كلها
شكرا مايا حداد الشاطرة جدااااا كعادتك طبعا
و كل التقدير للشركة المتحدة علي دعمهم للفن المصري
جينا بقي للثلاثي اللي حققلي أحلامي في الأغاني سواء في مسرحية آنستونا او في مسلسل جت سليمة
شكرا للشاعر الجامد ايمن بهجت قمر
انا مش عارفة اقول لك ايه بجد
ازاي ما شاء الله بتترجم معني الأغنية اللي مطلوبة منك بسلاسة و تميز و في نفس الوقت مفردات جديدة و قريبك مننا كلنا
ما شاء الله عليك
شكرا للملحن المميز جدا عمرو مصطفي اللي بيتميز برقي رهيب في
الألحان حتي لو بيلحن أغنية شعبية التفوق مش جديد عليك
شكرا للموزع الجامد نابلسي اللي بيبَروِز اللحن و الكلام
بطريقة خطيرة و متنوعة في كل أغنية و ده غير الموسيقى التصورية اللي اضافت للمسلسل جامد
شكرا مهندس الصوت احمد جمال
البش مهندس جيمي
شكرا مهندس صوت الاغاني الجامد خالد سند اللي تعب معانا جدا السنة دي و السنة اللي فاتت بسبب ضيق الوقت دايما بس حقيقي عملت شغل جامد جدا
شكرا الشاطر اوي اوي مصمم الاستعراضات ال creative
هادي عواضة
شكرا للمحترم طارق علوش علي الميكساج
شكرا لكل فريق الانتاج
شكرا Final Media و محمد صالح علام Digital & Social Media
شكرا فاطمه بهجت الشاطره اوي makeup artist اللي بجد مجتهدة جدا و عايزة تطلع كل لوك أحلي من اللي قبله
شكرا ماكير العمل إيهاب محروس
شكرا هيثم دهب وهشام دهب عشرة السنين و يا رب دايما نكمل مشوار النجاحات مع بعض
شكرا كل فريق الاخراج الجامد شكري الحكيم وعبد المجيد وحسين البيه و رجل المهام الصعبة شريف المليجي
شكرا للجامد اوي اوي، الشاطر، المبدع عمرو عاكف post production علي الجرافيكس و المونتاج و التلوين اللي رفع راسنا
شكرا لمخرج العمل اسلام خيري اللي تعب جدا في العمل ده
شكراً لكل طاقم العمل ولكل فرد شارك ف النجاح الكبير ده الحمد لله
شكرا علي حبكم و خوفكم عليا اللي انا كنت حاساه في كل لحظة وانا بشتغل
و شكرا للجمهور العظيم اللي بعد كل عمل بيثبتلي إن ليا أهل في كل بيت الحمد لله وبيخليني أعمل أقصي ما عندي عشان اكون عند حسن ظنكم
شكرا ل جوزي و حبيبي رامي رضوان اللي دايما بيدعمني و بيفرح لنجاحي
و أخيرا بقي شكرا لروح قلبي و حياتي نجمتي الصغننة اللي نورتني و أبهرتني أنا شخصيا ما شاء الله
ربنا يحفظك يا قلبي و يكتبلك الخير و السعادة انت و كل أطفالنا و يا رب مستقبلكم يكون منور و حظكم أحسن مننا يا رب
كل سنة وانتم طيبين"
